zoom – Page 6 – iGarden – edtech & ict blog

負能量是個好東西系列 (8) – 停課不停學心法 (十八) – 當洪七公遇上 Zoom

iGardener 老師天天寫，日日做「停課不停學」，禮拜六日，本想歇一歇，寫吓其他課題，減下壓，怎知今天下午 WhatsApp 又再被 zoom.us 「免 40 分鐘喜訊」而洗版，感受到香港的同工那股望川秋水，喜出望外之情。

既然咁高興，今天決定破戒，一天出第二稿，賀吓同工們終於等到。

二月以來，直播課堂已成為香港學生的突然其來的「另類學習」，社會一齊見證長官所說的電子學習及停課不停學的成果：

二月以來，直播教學亦成為香港老師的熱薯，坊間的理性討論已可知一二。

關於直播方案，不少「冷氣領導」唔知有無諗清楚校情及財政預算（大學買得起，唔代表中小學買得起），見 WhatsApp 群組內啲行家話 zoom 正，就「人zoom 我又 zoom 」，肯聽 IT 同工建議嘅校本選擇，係值得景仰嘅少數領導。

IT 同工又有好多不同平台想玩，須知道今次停課，全校每一個環節都要靠 IT，唔係講玩，一月尾又無充足準備（人地梳打埠一早停課啦），明明全校已有基建的「 Google Suite 嘅 Meet 」或「Microsft O365 嘅 Teams 」唔去用，偏偏跟大隊用 Zoom，用用吓有啲更受傳媒青睞：

iGardener老師從不否定 Zoom 功能多多，老師乜都可以控制（即係當電腦室啲控制系統咁用囉），現實係，zoom 逐樣功能同學校計錢，正如「人人都知 Benz 係好車，點解我揸韓國車？」。

Meet 和 Teams 都係免費，唔用，唔明啲決策者寧願犧牲「學生身份認證」及甘心忍受「限時限刻40分」，死心塌地，祈求天父做十分鐘好人，求 zoom.us 免 40分鐘時限，成件事，係咪有點「洪七公」？

睇下片輕鬆下先，以下就是「視像會議」真人版，很好笑！

諷刺的，這是 zoom 幾年前的廣告。

Google 教學系列 (53) – 停課不停學心法 (六) – [連續鬧劇] Zoom.us 取消視像會議 40分鐘限制？

iGardener 老師昨天 (14/2/2020)
Zoom （中国）网上视像会议疫症期免费不限时间的文章一出，整天 zoom.us vs. zoom.com.cn 洗咗好多 IT 人WhatsApp 群組板，可見🤫🤫肺炎（我唔記得乜鬼官方名囉）引致的網上授課需要，已成香港中小學老師的夢魘。

[14/2/2020] Zoom.us 第1次向香港學校 “Say No” 電郵

其實 iGardener 老師在撰此文前，在二月初曾經嘗試電郵 Zoom.us 總公司及 CEO Eric S. Yuan，看看 Zoom 公司可否給予香港的學校限時免費使用，苦等多天，昨天(14/2/2020) 中午前，終於收到 Zoom 總公司的代表回覆了，感覺銷售代表 (Account Executive) 有點「詐傻扮懵」：

Zoom 總公司的訊息十分清楚：

佢地唔知乜野叫「time limited free upgrade」（咁清楚都唔明？）
佢地唔會 offer 所謂「time limited free upgrade」服務（唔明，又答到唔提供？）
60 老師要買 60 licenses （多謝解釋得咁清楚囉，60人唔通買 600 licenses 咩？）
Zoom.com.cn 是 Zoom 公司在中國的網站，最近解除內地 40 分鐘限制（這些機會不是屬於 Zoom.us 的。）

Google 教學系列 (52) – 停課不停學心法 (五) – [自行決定] Zoom （中国）网上视像会议疫症期免费不限时间

1. 提起餘勁，撰寫「停課不停學心法」系列

iGardener 老師2019年6月至 2020年1月，一直沒有心情更新網誌及專頁。

儘管累透了，在2020年2月10日，重新打開 blog 管理頁，寫一個「停課不停學心法」系列，正如當天所說：

對於今次停課，iGardener 老師絕不樂觀，3月2號復課的機會很渺茫 ……. 故此我在這艱難的時期，再提起僅餘的勁兒，寫一個「停課不停學」心法系列，旨在低成本，不離地，為學生。
“2020年2月10日文章《Google 教學系列 (48) – 停課不停學心法 (一) – [支援港臺老師] Screencastify 限時免費升級》

Google 教學系列 (51) – 停課不停學心法 (四) – [持續更新比較] 停課用 Google Hangouts Meet 或 Zoom 好呢？

１. 用菜刀抑或牛肉刀去搽牛油好呢？

新年假期（2020年２月）期間，iGardener 老師曾經使用 Google Hangouts Meet 開視像會議，會上討論過使用 Zoom 作直播教學之用，其後知道 Zoom 免費版只有 40分鐘便作罷了（註：其後於 2020年3月中 Zoom 又聲稱解除了40分鐘時限）。

這兩週在不同的 IT教師 WhatsApp 群組中，很多同工討論在香港學校停課期間，應該採用 Google Hangouts Meet 抑或 Zoom？那一套視像會議軟件好呢？

iGardener 老師很奇怪，屋企廚房咁多把刀，又唔見成家人熱烈討論「應否用菜刀抑或牛肉刀去搽牛油」嘅？

iGardener 老師當然知道 Google Hangouts Meet 和 Zoom 是基於不同的設計理念及價值觀的視像會議軟件，但每天詢問及搜尋這題目嘅同工，長居不下，今天就好簡單及粗疏咁，比較一吓兩個視像會議軟件，這也是 ICT 的課程內容啊！