面對🤫🤫肺炎，全球都在實行社交隔離 (social distancing)，早幾天在 instagram 見到很幽默的品牌改圖，iGardener 老師將圖片插入 Google Slides，配以英文，在直播課堂播放給學生看，輕鬆一下。
有興趣的朋友可以在此或 facebook 留言索取。
Tag: humour
ICT教學開懷篇(90) – 致剛回香港的留學生
這星期香港國際機場入境大堂，迎來數以萬計，從四方八面，千里迢迢歸來香港避疫的留學生，iGardener 老師相信大部份回港的人士都很自律地遵行十四天自我隔離。
可惜，網上見到有留學生回港後，四處食嘢及打卡，在家又聽到樓上打四方城（麻雀），香港人，為了醫護及家人，懇請自律。
熟悉網絡的朋友自然明白下圖的苦口婆心。
ICT教學開懷篇(89) – 教員室開心大發現 (Staff Room Lifehacks)
迎接復活節後復課，這影片為閣下的教員室帶來不少開心大發現（小心最後幾秒的聲響）。
負能量是個好東西系列 (8) – 停課不停學心法 (十八) – 當洪七公遇上 Zoom
iGardener 老師天天寫，日日做「停課不停學」，禮拜六日，本想歇一歇，寫吓其他課題，減下壓，怎知今天下午 WhatsApp 又再被 zoom.us 「免 40 分鐘喜訊 」 而洗版，感受到香港的同工那股望川秋水，喜出望外之情。
既然咁高興，今天決定破戒，一天出第二稿，賀吓同工們終於等到。
二月以來，直播課堂已成為香港學生的突然其來的「另類學習」，社會一齊見證長官所說的電子學習及停課不停學的成果：
二月以來，直播教學亦成為香港老師的熱薯，坊間的 理性討論 已可知一二。
關於直播方案，不少「冷氣領導」唔知有無諗清楚校情及財政預算（大學買得起，唔代表中小學買得起），見 WhatsApp 群組內啲行家話 zoom 正，就「人zoom 我又 zoom 」，肯聽 IT 同工建議嘅校本選擇，係值得景仰嘅少數領導。
IT 同工又有好多不同平台想玩，須知道今次停課，全校每一個環節都要靠 IT，唔係講玩，一月尾又無充足準備（人地梳打埠一早停課啦），明明全校已有基建的「 Google Suite 嘅 Meet 」 或 「Microsft O365 嘅 Teams 」唔去用，偏偏跟大隊用 Zoom，用用吓有啲更受傳媒青睞：
iGardener老師從不否定 Zoom 功能多多，老師乜都可以控制（即係當電腦室啲控制系統咁用囉），現實係，zoom 逐樣功能同學校計錢，正如「人人都知 Benz 係好車，點解我揸韓國車？」。
Meet 和 Teams 都係免費，唔用，唔明啲決策者寧願犧牲「學生身份認證」及甘心忍受「限時限刻40分」，死心塌地，祈求天父做十分鐘好人，求 zoom.us 免 40分鐘時限，成件事，係咪有點「洪七公」？
睇下片輕鬆下先，以下就是「視像會議」真人版，很好笑！
諷刺的，這是 zoom 幾年前的廣告。
ICT教學開懷篇(88) – 美國隊長 meme DIY (附 Google Slides 範本)
iGardener 老師日日寫，日日做「停課不停學」，禮拜日一定要歇一歇，輕鬆吓。
美國隊長 (Captain America ) 嘅 meme （維基：模因、迷因；臺灣：梗圖）近日熱爆網絡，美國隊長２電影情節中，美國隊長比九頭蛇集團成員圍毆嘅情節，被網民改咗啲無厘頭對白後，二次創作出各式各樣嘅爆笑爛gag。
就係呢張 meme 喇。
