英國倫敦【BETT Show 2023】 速記 (1) – 簡介篇

大家早晨,但 iGardener 老師到而家都訓唔著,以爲自己仲後生, 但唔認老都唔得。

今日去完 BETT Show 後,又隊咗杯 double shot espresso,眼光光,不如打篇速記當數綿羊,臨訓前同香港及臺灣朋友分享今年去 BETT Show 展覽嘅體驗啦!

英國倫敦舉行嘅 BETT Show 係一個好大嘅科技教育展覽,有好多唔同國家嘅展商及 edtech 產品。

點解 iGardener 老師學人咁遠水路去 BETT?當然有啲低調任務啦,其次就係希望可以見識多啲新嘅科技教育產品同埋教學法。

iGardener 老師咁多年去會展嘅香港教城學與教展覽,參觀、參展、參賽、演講都留低不少腳蹤,所以今年去 BETT Show 嘅時候,集中睇吓有冇啲產品可以幫助我哋老師喺唔同形式課堂上更有效率咁教授學生。呢個展覽真係堅豐富,有好多唔同國家嘅知名教育科技產品,例如虛擬班房、互動白板、VR 學習遊戲等等。

會場分兩邊,一邊係 S 區 IT solution,一邊係 N 區硬件設備。

今日去 S區嗰陣,最鍾意嘅攤位梗係初試啼聲嘅 Kami 及 Canva 啦。

另外留意到一個某大國研發嘅 LMS 產品攤位,位置及規模同大公司 Microsoft 及 Google 有得揮,

功能好比Google Classroom 或 Teams,一樣可以幫助老師管理學生嘅上課進度、學習進度同埋訓練進度,遲啲有需要時,可能會 “推廣” 比全香港學校用啊!

去 N區嗰陣,有好多 VR/AR/STEM Learning 嘅產品,可以幫助學生透過技術學習 STEAM,好正!

除咗睇展覽之外,iGardener 老師仲有機會同好多國家(英、美、南非、韓、日、中)嘅教育同工交流,學習點樣平靚正推 IT。

都有參加講座,聽吓各地嘅教育專家分享啲教學遠景。

總括而言,BETT Show 係真正國際 edtech 盛事,iGardener 老師實在大開眼界,如入大觀園,睇完有啲充電感,親身見識新技術同埋教學方法,又識到志同道合嘅各國行家。

有高人曰:教育噗浪客年會是「每位老師一生至少要參加一次」嘅盛會,iGardener 老師親身經驗係真實嘅;
今日iGardener 老師曰:BETT Show 係第二個「每位老師一生至少要參加一次」嘅國際盛會。

貼士係 – 唔好跟團,自由行去 BETT Show ,得著更多。

[訂閱支持] 請各位朋友訂閲及分享,支持 iGarden edtech blog

在香港、臺灣、馬來西亞、歐美華文地區,iGarden 是鳳毛麟角、碩果僅存, 23 年的電腦科及電子學習網站,只因「有您支持,有我堅持」。

希望香港、臺灣、馬來西亞、歐美的朋友支持 iGardener 老師,訂閱 iGarden 的各 edtech 教學平台,包括:

懇請花點時間 S.L.S.:

  • S – 訂閱 (Subscribe)
  • L – 讚文(Like)
  • S – 分享文章(Share)

繼續支持 iGarden edTech blog

疫症人禍數載雖暫緩,無論您身處何方,

大家都是地球村公民,無論面對甚麼難關,請緊記:

We are just a call / e-mail / text and a prayer away!

Source: brainyquote.com

謹祝 各華文教育同仁身心安康、思路敏捷、守望相助!

Слава Україні! 🇺🇦

平安在心 🌍!

STEM教育系列(7) – 我們不是最需要妳的錢,而是需要妳的長遠承擔和規劃! – iGardener 老師看【財政預算案 2019】

iGardener 老師一向對陳某先生沒有好感,覺得他的能力、視野、人品完全不配他的官職,所以不以職位稱呼。

昨天早上很忙,不太留意陳某發表香港 2019 – 2020 年度政府財政預算案

原來「創新科技」部分篇幅不少。

在今次財政預算案中,陳某推出了 5 個創科的措施,包括:

55 億擴建數碼港

預算案中指出,數碼港發展多年已經培育了 500 多間初創企業。因此,政府將預留 55 億來發展「數碼港第 5 期」,預計擴建項目會提供約 66,000 平方米樓面面積,當中包括:辦公室、共用工作間、會議場地及數據服務平台等,項目最最快在 2021 年動工,2024 年竣工。財爺亦提及,香港科學園擴建計劃第一階段預計會在本年完工,提供約 7,400 平方米的額外樓面面積;而在落馬洲河套地區興建的「港深創新及科技園」目前進展良好,預計在 2021 年或之前為第一期上蓋發展提供首批土地。

160 億資助本地大學

財爺會額外預留 160 億專款,為大學教育資助委員會資助的大學建設或翻新校舍設施、添置必需的科研設備如實驗室等,但需留意並優先考慮創科的需要,務求使教研配套切合培養科技人才的目標。財爺亦向教資會轄下研究資助局的研究基金注資 200 億,支援基金現有各項資助計劃持續運作。

100 億開發兩大創新平台

開發專注醫療科技的「Health@InnoHK」,以及專注人工智能及機械人科技的「AIR@InnoHK」。兩個平台會引入海內外頂尖科技院校、科研機構及企業,與本港同業共同從事研發,更指哈佛大學、史丹福大學、倫敦帝國學院、倫敦大學學院、約翰普金斯大學等都有興趣進駐兩個新平台。

5 億推動「中學 IT 創新實驗室」計劃

為培養本地的科技人才鋪路,預算案將動用 5 億推動 3 個學年的「中學 IT 創新實驗室」計劃。每間資助中學會有 100 萬用以購置所需的資訊科技設備和專業服務,以及舉辦更多嶄新資訊科技相關的課外活動。政府資訊科技總監辦公室亦會成立一站式專業支援中心提供協助。

20 億推動再工業化

政府會向創新及科技基金注資 20 億元推行再工業化資助計劃,並以配對形式資助生產商在港設立智能生產線。希望能改善經濟結構,減少對服務業的依賴。

Source: https://ezone.ulifestyle.com.hk/article/2281074

iGardener 老師上午上課、中午入課堂睇學生食飯、下午教師發展、發展後要開會,全日直落乃香港老師常態。

開會時,收到 e 雜誌 M編輯 的訊息,想我回應一下《財政預算案》,唯有告訴他開會後才可回覆,

散會離校後,才細讀與有關中小學科創的部份:

5 億推動「中學 IT 創新實驗室」計劃

為培養本地的科技人才鋪路,預算案將動用 5 億推動 3 個學年的「中學 IT 創新實驗室」計劃。每間資助中學會有 100 萬用以購置所需的資訊科技設備和專業服務,以及舉辦更多嶄新資訊科技相關的課外活動。政府資訊科技總監辦公室亦會成立一站式專業支援中心提供協助。

以下是 iGardener 老師對陳某的《財政預算案》中小學部份的感想:

  • 對政府向每間資助中學提供 100 萬元添置設備和購買專業服務,我係表示「驚喜」嘅,算係廿年前 (1998年) ,老董政府大發「IT教育夢」以來,最大手筆,但聽講要分三年囉!
  • 近年好多學校花費唔少資源,建立所謂的「STEM 房」,配合廿年後「又係老董」大發嘅「STEM教育夢」,間間學校「又係一次性」批廿萬攪 STEM,所以呢兩年全民都 STEM(買下 XXbot呀、3D printer呀、VR呀、魚菜一箱呀咁)
  • 但係計劃中的「中學 IT 創新實驗室」,跟上述政府的 STEM 教育方向又不太吻合,名不正則言不順,校內由邊組統籌及跟進(好多學校STEM 係科學老師帶)?
  • 近廿年大部份政府所謂 IT 新措施,只懂「一次過大撒幣」,我地 IT老師,又要花半日去沙福道聽悶到九彩嘅簡介會,又要寫申請書「乞錢」,申請成功後,又要會計開獨立賬目及銀行戶口,一兩年後,又要寫進度報告
  • 希望今次毋須冗長而繁複嘅文件申請啦,等每間學校都可以受惠啦
  • 計計下,一百萬唔係多,扣除學校更新資訊基建及設備後,剩下金錢唔多,仲邊有錢光顧所謂嘅「專業服務」(聽報紙講係雲端服務之類喎)呢?

iGardener 老師較為奇怪的是,《財政預算案》中建議舉辦課外活動,幫助同學認識 AI、區塊鏈、大數據等新技術,

講真,呢啲新科技多屬坊間「商業 jargon」,唔算係學術辭彙,每日都出現兩三個新名詞架啦,

再者, iGardener 老師最近去到邊個教育大會,都見到和聽到某「大學演變獨角獸」嘅蹤影及演講,

究竟陳某係想中小學生喺此階段,認識 AI、區塊鏈、大數據嘅知識,定係認識呢啲 AI公司、區塊鏈公司、大數據公司

而家中小學電腦課程點改,都未追得上這些新事物,不如官府扎扎實實,放資源讓學生先掌握基礎資訊科技及數理知識啦,

細路哥,暫時唔識「大學演變獨角獸」,唔駛死嘅。

最後, iGardener 老師有兩句說話想公開同陳某和整個政府講:

  1. 其實,我哋老師唔係最需要妳政府嘅錢(況且呢啲根本唔係妳嘅錢),而是需要妳嘅長遠承擔和規劃呀!如果科普咁重要,IT教育咁重要,點解要舖舖一次過撥款「一次過撒幣」?點解下下讓部份所謂「先導」實為「友好」嘅學校「先富起來」,帶頭製造「學界貧窮懸殊」?
  2. 政府若要真心鼓勵學校推行科普教育,我哋前線老師最需要嘅,其實係內容扎實嘅科普教材、適合香港學生嘅教學法(唔係緊跟鄰近地區果套)、以及備課時間囉,多過製造不必要大量嘅文件及開會工作嘅金錢資助。

話明係放工後感想,iGardener 老師當然好主觀,當然好武斷啦!

有意以 IT/STEM 學理說服 iGardener 老師的,歡迎留言指教。

P.S. e雜誌訪問 iGardener 老師回應《2019 財政預算案》喺邊度睇到?iGardener 老師一向低調,大家自己搵啦!

STEM教育系列(6) - 7個20年前無人想像的科技職位

iGardener 老師寫電腦教育 blog 已接近廿年,當年科網潮大熱,識編寫 HTML 網站已經很「潮」很「搶手」。

隨著科技的進步,就業市場也在蛻變,科技消滅了一些工作,也為各行各業新興創造的工種打開了大門。

例如:

  • 數據分析經理的職位就有超過700,000個職位;
  • 無人駕駛汽車的發明固然有其優點和缺點。他們是否會給人類帶來好處,仍是一場永恆的爭論。
    然而,隨著新發明的出現帶來了嶄新的就業機會,無人駕駛汽車工程師一樣。
  • 隨著社交媒體的興起,對社交媒體管理人員的需求不斷增長。
    不過,同學預計需要努力工作並不斷更新自己的技能。雖然這份工作的平均年薪只是四十萬港幣。
  • 看看下面的資訊圖 (infographics) 吧,20年前很多工作根本未存在!
  • ICT 同學想想,會否有一天機器人會「偷走」我們人類的工作?

STEM教育系列(5) x TED教育啟迪系列(9) – 點解要發明無用嘅嘢?Why you should make useless things? – Simone Giertz 2018(英文字幕)

TED 教育啟迪系列是 iGardener老師很喜歡的文章系列。

當中 【TED教育啟迪系列(7) – 教師必看!教育家 Rita Pierson 說《每個孩子都需要一個冠軍寶座》(中英字幕)】
是自己除了信仰以外,令我的重新得力的演講,百看不厭。

今天介紹的TED 演講,是較偏峰的題目,尤其在香港這個俯拜成功的城市:
點解要發明無用嘅嘢?Why you should make useless things?

Continue reading STEM教育系列(5) x TED教育啟迪系列(9) – 點解要發明無用嘅嘢?Why you should make useless things? – Simone Giertz 2018(英文字幕)

STEM教育系列(4) – 人人過關 – 參加 STEM 教育進深培訓課程初感

香港科創「追趕」之旅正式啟動!

本學年小學各派了十萬,中學也派了廿萬,各位不要說政府只懂派錢給學校啊!

政府還為每間學校「精心」設計了一系列的「為中學課程領導和中層管理人員而設的STEM教育進深培訓課程」 (Intensive Training Program),學期初已要求每間學校交出一張「1副校+3科頭」的「STEM 四人組」名單,本學年12小時的進深課程正式開始,且看有甚麼睇頭?

Continue reading STEM教育系列(4) – 人人過關 – 參加 STEM 教育進深培訓課程初感